ప్రియ మిత్రులకు,

ఎన్నో రోజులనుండి, (సుమారు నెలా పదిహేను రోజులు) తొందర్లో, తొందర్లో అంటూ చెప్తూన్న ' తెలుగు పాట ' ఇప్పటికి మొదటి అడుగు వేసింది. ఓ పక్షం రోజులపాటు live testing కోసం మీ ముందు పెడుతున్నాను. మీ అమూల్యమైన అభిప్రాయాలను తెలియజేయడం మరచిపోకండి. మీకు ఎదురైన ఎటువంటి problems నైనా నాకు తెలియజేయండి. వీలైనంత త్వరలో సమాధాలను తప్పనిసరిగా అందిస్తాను.

పైన వున్న లింకులను (links) వుపయోగించి ' తెలుగు పాట ' లోని మిగతా భాగాలను సందర్శించండి.

సాక్షి - 1.3 (తరువాయి)

సుమారు మూణ్ణెల్ల క్రితం ఇక్కడికి చేరిందిట. వారం రోజుల నుండి బతిమాలుకొంటుంటే, చివరకు ఒప్పుకుందట వాళ్ళ యజమానురాలు ఇంటికి పంపేయడానికి. కాకపోతే చివరి బేరం ఈ ఒక్కటి చేస్తే, 500 రూపాయలు యిస్తా, ఇంటికి హాయిగా వెళ్ళొచ్చని చెప్పిందట. అందుకే రెండ్రోజుల క్రితం ఇందాక ఆటోలోంచి పడేసిన వాళ్ళతో పంపించిందట. ఆరుగురో, ఏడుగురో రెండు రోజులూ రాత్రనకా పగలనకా లేకుండా ఆ పిల్లను ... పాపం, చెప్తూంటే ఆ పిల్ల మాటల్లో ధ్వనించిన బాధను వింటే నాకే కళ్ళలో నీళ్ళు తిరిగాయి, ఆ పిల్లసంగతి వేరే చెప్పాలా! చివరకు ఆటోవాడి క్రిందకూడా నలిగిందట ఆటో ఖర్చుల లెక్కలో. నావల్ల కాదని ఏడ్చి మొత్తుకుంటే ఇప్పుడిక్కడిలా పడేసి పోయారట. " 500 రూపాయలుకూడా యివ్వలేదు దొంగ నాయళ్ళు, ఎండ్రోజలు మాత్రం *** పోయారు. " అంటూ ఏడుస్తుంటే, ఏం చెప్పాలో అర్థంగాక గమ్మునుండిపోయా.